தனது திருமணத்தை தடுத்து நிறுத்திய புதுமை பெண்ணுக்கு கௌரவ பதவி: ஆச்சர்ய தகவல்

[oviya]

சத்தீஸ்கரில் மணமேடைக்கு மாப்பிளை குடித்துவிட்டு வந்ததால் திருமணத்திற்கு மறுப்பு தெரிவித்த பெண்ணை, சத்தீஸ்கரின் பெண்கள் மேம்பாட்டுக்கான தூதுவராக அறிவித்துள்ளனர்.
சத்தீஸ்கர் மாநிலத்தின் தலைநகர் ராய்ப்பூரில் இருந்து 230 கிலோமீற்றர் தொலைவில் அமைந்துள்ள பின்தங்கிய கிராமத்தை சேர்ந்த ஊர்மிளா சோன்வானி என்ற பெண்ணுக்கு பெற்றோர் திருமணம் நிச்சயித்துள்ளனர்.

ஆனால் திருமண நாளன்று, மணமகன் தள்ளாத போதையில் இருப்பதை பார்த்து அதிர்ச்சியடைந்த ஊர்மிளா, துணிச்சலுடன் இந்த குடிகாரனை திருமணம் செய்துக் கொள்ள முடியாது எனக்கூறி வெளியேறியுள்ளார்.

இந்த புரட்சிகரமான செய்தியை அம்மாநில மகளிர் மற்றும் குழந்தைகள் மேம்பாட்டுத்துறை அமைச்சர் ராம்ஷிலா சாஹு அறிந்து வியந்துள்ளார்.

இதையடுத்து அந்த பெண்னை கௌரவப்படுத்தவும் மற்ற பெண்களுக்கு முன்மாதிரியாக காட்டவும் விரும்பிய அவர், ஊர்மிளாவை பெண்கள் மேம்பாட்டுக்கான தூதுவராக நியமித்துள்ளார்.