சைக்கிளைக் காணவில்லை! சாவகச்சேரியில் 17 வயது மாணவி தற்கொலைக்கு முயற்சி

[oviya]

சாவகச்சேரி - மட்டுவில் வடக்குப் பகுதியில் 17 வயது மாணவியொருவர் நஞ்சருந்தி தற்கொலைக்கு முயற்சித்துள்ளார்.
சாவகச்சேரி இந்துக் கல்லூரியில் உயர்தரம் பயிலும் 17 வயதுடைய மாணவியே இவ்வாறு நஞ்சருந்தி சாவகச்சேரி வைத்தியசாலையில் சேர்க்கப்பட்டுள்ளார்.

இந்த சம்பவம் தொடர்பாக மேலும் தெரியவருவதாவது,

நேற்று முன்தினம் குறித்த மாணவி திருவெம்பாவை பூசைக்காக அருகிலுள்ள ஆலயத்திற்குச் சென்றவேளை அவரது சைக்கிளை திருடர்கள் திருடிச் சென்றுவிட்டனர்.

தனது பெற்றோர் வறுமையிலும் கல்வி கற்க வேண்டுமென்று புதிய சைக்கிள் ஒன்றை வாங்கிக் கொடுத்ததை பறிகொடுத்து விட்டோம் என்ற கவலையில் மன உளைச்சல் அடைந்த மாணவி வீட்டு வந்து நஞ்சருந்தி தற்கொலைக்கு முயற்சித்துள்ளார்.

இதனை அவதானித்த பெற்றோர் மாணவியை உடனடியாக வைத்தியசாலையில் சேர்த்துள்ளனர்.