5 வயது சிறுவனின் உயிரை காப்பாற்றிய மூளைச் சாவடைந்த 3 வயது சிறுமி

by oviya Sun Aug 02, 2015 3:56 pm

கேரளாவில் மூளைச் சாவடைந்த 3 வயது சிறுமியின் உடல் பாகங்கள் 5 வயது சிறுவனுக்கு பொறுத்தப்பட்டுள்ளது.
திருவனந்தபுரத்தை அடுத்த கரக்குலம் பகுதியைச் சேர்ந்த அஜித் என்பவரது 3 வயது மகள் அன்ஜனா, கடந்த வியாழன்று வீட்டில் விளையாடிக் கொண்டிருந்த போது திடீரென மயங்கியுள்ளார்.

இதையடுத்து குழந்தையை அங்குள்ள மருத்துவமனை ஒன்றில் சேர்த்த போது, மருத்துவர்கள், குழந்தையின் மூளையில் மோசமான காயம் ஏற்பட்டிருப்பதால் அவர் மூளைச்சாவு அடைந்துவிட்டதாக தெரிவித்துள்ளனர்.

இதனால் அதிர்ச்சியில் உறைந்த பெற்றோரை ஆறுதல்படுத்திய மருத்துவர்கள், அந்த குழந்தையின் உடல் உறுப்புகளை தானமாக அளிக்க பரிந்துரைத்துள்ளனர்.

அதனை பெற்றோர் ஏற்றுக் கொண்ட்தை அடுத்து, நேற்று இரவு 11 மணிக்கு உடல் உறுப்புகளை எடுப்பதற்கான அறுவை சிகிச்சையில், அன்ஜனாவின் 2சிறுநீரகங்கள், கல்லீரல், கருவிழித்திரை ஆகியவை எடுக்கப்பட்டன.

பின்னர் அன்ஜனாவின் 2 சிறுநீரகங்கள் மற்றும் கல்லீரல் ஆகியவை கேரள மருத்துவ கல்லூரியில் சிகிச்சை பெற்று வந்த 5 வயது சிறுவனக்கு பொருத்தப்பட்டுள்ளது.