காதலித்து ஏமாற்றிய பெண்ணின் படங்களை Whats app-ல் பரப்பிய வாலிபர்: பொலிஸார் அதிரடி கைது

[oviya]

தன்னை காதலித்து ஏமாற்றிய பெண்ணை பழிவாங்க, கல்லூரி மாணவியின் படங்களை வாட்ஸ்அப்பில் உலவ விட்ட வாலிபரை பொலிசார் கைது செய்துள்ளனர்.
தமிழகத்தில் சமீபத்தில் இரு காதலர்களிடையே மாட்டிக் கொண்ட பெண் ஒருவர், பேசும் வசனங்கள் மற்றும் புகைப்படங்கள் WhatsApp-ல் தீயாய் பரவி வந்தது.

இது தொடர்பாக ஒரு இளைஞனும், இளம்பெண்ணும் நெருக்கமாக இருப்பது போன்ற படங்களும் பரவி வந்தன.

மேலும், அந்த இளம்பெண் பெயரை போட்டு, இவர் இரு ஆண்களை காதலித்து ஏமாற்றியவர் என்ற வகையில் தகவல்களும் அதனுடன் இருந்தன.

அந்த படத்தில் இருப்பது கடலூர் மாவட்டம் குறிஞ்சிப்பாடியை சேர்ந்த பழனிச்சாமி என்பவர் மகன் எழிலன் (25), என்பதும், உடன் இருப்பது அதே ஊரை சேர்ந்த கல்லூரி மாணவி என்பதும் தெரியவந்தது.

அந்த மாணவி, வேறு ஒரு வாலிபருடன் பழகியதால் ஆத்திரமடைந்த எழிலன் வாட்ஸ்அப்பில் தங்களது படங்களை பரப்பியுள்ளார்.

மேலும், அந்த பெண்ணுடன் எழிலன் பேசும் தொலைபேசி உரையாடலும் வாட்ஸ்அப் மூலம் உலவியது.

இந்நிலையில், குள்ளஞ்சாவடி காவல் நிலையத்தில், அந்த மாணவி சார்பில் அளிக்கப்பட்ட புகாரால், எழிலனை கைது செய்து பொலிசார் விசாரித்து வருகின்றனர்.

வாட்ஸ்அப்பில் வெளியிட்ட படத்துக்காக இளைஞர் கைது செய்யப்பட்ட சம்பவம் சமூக வலைத்தளவாசிகளிடையே பெரும் பரபரப்பை ஏற்படுத்தியுள்ளது.