மனிதர்களுக்காக தெரு நாய்களைக் கொல்வதில் தவறில்லை: உச்ச நீதிமன்றம்

[oviya]

மனித உயிர்களுக்கு அச்சுறுத்தலாக இருக்கும் தெரு நாய்களைக் கொல்வதில் தவறில்லை என்று உச்ச நீதிமன்றம் தீர்ப்பளித்துள்ளது.
கேரளாவின் திருவனந்தபுரத்தில் மனிதர்களுக்கு அச்சுறுத்தலாக இருந்த தெரு நாய்கள், மாநகராட்சி ஊழியர்களால் கொல்லப்பட்டுள்ளன.

இந்நிலையில், அதற்கு எதிர்ப்புத் தெரிவித்து அம்மாநில உயர் நீதிமன்றத்தில் மனு ஒன்று தாக்கல் செய்யப்பட்டுள்ளது.

அந்த மனுவை விசாரித்த கேரள உயர் நீதிமன்றம் அளித்த தீர்ப்பில், மிருகவதைச் சட்டத்துக்கு உள்பட்டு, தெரு நாய்களை மாநகராட்சி நிர்வாகத்தினர் கொன்றது சரிதான் எனத் தீர்ப்பு வழங்கி உள்ளது.

இந்திய விலங்கு நல வாரியம் உள்ளிட்ட பல்வேறு அமைப்புகள் இந்தத் தீர்ப்பை எதிர்த்து உச்ச நீதிமன்றத்தில் மனுக்கள் தாக்கல் செய்யப்பட்டுள்ளன.

இந்த மனுக்களை விசாரித்த உச்ச நீதிமன்ற நீதிபதிகள், நாய்களைக் காட்டிலும் மனித உயிரே மேலானது.

மனித உயிர்களுக்கு அச்சுறுத்தலாக இருக்கும் தெரு நாய்களைக் கொல்வதில் எந்தத் தவறும் இல்லை.

அதே நேரத்தில், மத்திய அரசின் விலங்குகள் பாதுகாப்புச் சட்டம்-2001 விதிகளுக்கு உள்பட்டு மனிதர்களுக்கு அச்சுறுத்தலாக இருக்கும் தெரு நாய்களைக் கொல்லலாம்.

இந்த விவகாரத்தில் அனைத்து மாநிலங்களும், யூனியன் பிரதேசங்களும் மத்திய அரசின் சட்டத்துக்கு உட்பட்டே நடவடிக்கை எடுக்க வேண்டும்.

தெரு நாய்களின் இனப்பெருக்கத்தையும் கட்டுப்படுத்த மாநில அரசுகள் நடவடிக்கை எடுக்க வேண்டும் என்று தீர்ப்பளித்துள்ளனர்.