இலவச பெட்ரோல்: மனித நேயத்தில் நெகிழ வைக்கும் போக்குவரத்து பொலிஸ் அதிகாரி

[oviya]

ஐதராபாத்தை சேர்ந்த போக்குவரத்து பொலிஸ் அதிகாரி ஒருவர் வண்டியில் பெட்ரோல் இல்லாமல் தவிப்பவர்களுக்கு இலவசமாக பெட்ரோல் வழங்கி வருவது ஆச்சரியத்தை ஏற்படுத்தியுள்ளது.
ஹைதராபாத் நகரத்தில் போக்குவரத்து பிரிவில் உதவி சப்-இன்ஸ்பெக்டராக பணியாற்றி வருபவர் மெராஜுதின் சையத்.

இவர் தினமும் வேலைக்கு செல்லும் போது 6 பாட்டில்களில் பெட்ரோலை கொண்டு செல்கிறார்.

மேலும் வண்டியில் பெட்ரோல் தீர்ந்துபோய் யாராவது சாலையில் தவிப்பதை பார்த்தால் அவர்களுக்கு பணம் வாங்காமல் இலவசமாக பெட்ரோல் கொடுத்து உதவுகிறார்.

இவரிடம் உதவி பெற்றவர்கள் மூலம் இந்த தகவல் இணையத்தில் பரவிவருகிறது.

இது பற்றி சையத் கூறியதாவது, சமீபத்தில் எனக்கு ஊதிய உயர்வு கிடைத்தது. அந்த பணத்தை மற்றவர்களுக்கு உதவி செய்ய பயன்படுத்த முடிவு செய்தேன்.

அதனால் பெட்ரோலுக்கு யாரிடமும் பணம் பெறுவது இல்லை. அதற்கு பதிலாக மற்றவர்களுக்கு உதவி செய்யும் படி சொல்வேன்.

மேலும் பொலிஸ்காரர்கள் மற்றவர்களுக்கு தண்டனை தருவதற்கும் மற்றும் லஞ்சம் வாங்குவதற்கும் மட்டும் தான் உள்ளனர் என்பது தவறு.

மக்களுக்கு உதவி செய்யவும் நாங்கள் உள்ளோம் என்று தெரிவித்துள்ளார்.