இந்திய பெண்மணிக்கு உயரிய விருதை வழங்கிய அமெரிக்க அதிபர் ஒபாமா

[oviya]

அமெரிக்காவாழ் இந்தியரான ஜும்பா லாஹிரி என்பவருக்கு அமெரிக்காவின் தேசிய மனித நேய விருதினை அமெரிக்க அதிபர் ஒபாமா வழங்கினார்.
அமெரிக்காவாழ் இந்தியரான ஜூம்பா லாஹிரி என்ற பெண்மணி 2014 ஆம் ஆண்டுக்கான தேசிய மனிதநேய விருதுக்கு தேர்வு செய்யப்பட்டார்.

இந்திய-அமெரிக்க காலாசாரச் செறிவை திறமையாக வெளிக்காட்டியதற்காக அவருக்கு இந்த விருது அளிக்கப்படுவதாக தேர்வுக் குழுவினர் குறிப்பிட்டிருந்தனர்.

இந்நிலையில், வாஷிங்டன் நகரில் உள்ள வெள்ளை மாளிகையில் நடைபெற்ற விழாவில் அமெரிக்க அதிபர் பராக் ஒபாமா இந்த விருதினை ஜும்பா லாஹிரிக்கு வழங்கி சிறப்பித்தார்.

மேலும் வெள்ளை மாளிகையில் நடைபெறும் எனக்கு பிடித்த விழாக்களில் இதுவும் ஒன்று என்று அதிபர் ஒபாமா தெரிவித்துள்ளார்.