கிரிக்கெட் விளையாடிய பெண் இன்ஸ்பெக்டர்: வாட்ஸ் ஆப்பில் பரவிய வீடியோவால் நடவடிக்கை

by oviya Sun Jul 26, 2015 3:11 pm

காவல் நிலையத்தின் முன்பு கிரிக்கெட் விளையாடிய பெண் இன்ஸ்பெக்டர் வீடியோ வாட்ஸ் ஆப்பில் பரவி பரபரப்பை ஏற்படுத்தியுள்ளது.
ராமேஷ்வரம் கோயில் காவல் நிலையத்தில் இன்ஸ்பெக்டராக இருந்த அமுதச்செல்வி, கடந்த 23ம் திகதி இரவு பணியில் இருந்த போது, காவல் நிலையம் முன்பு சக பொலிசாருடன் சேர்ந்து கிரிக்கெட் விளையாடியுள்ளார்.

பொலிசார் ஒருவர் துடுப்பெடுத்தாட, இன்ஸ்பெக்டர் அமுதச்செல்வி ஓடி வந்து பந்துவீசுவது போன்ற காட்சிகள் அடங்கிய ஒரு வீடியோ வாட்ஸ் ஆப்பில் பரவியது.

இந்த வீடியோ உயர் அதிகாரிகளின் பார்வைக்கு செல்ல, இன்ஸ்பெக்டர் அமுதச்செல்வி, ராமநாதபுரம் ஆயுதப்படை பிரிவுக்கு நேற்று அதிரடியாக மாற்றம் செய்யப்பட்டுள்ளார்.

அதே போல் அவருடன் கிரிக்கெட் விளையாடிய சக பொலிசாரும் மாற்றப்பட்டுள்ளனர். இந்த சம்பவம் பொலிசார் மத்தியில் சலசலப்பை ஏற்படுத்தியுள்ளது.