விக்னேஸ்வரன் அடுத்த மாதம் அமெரிக்காவிற்கு விஜயம்

[oviya]

வடமாகாண முதலமைச்சர் சீ.வி.விக்கினேஸ்வரன் அடுத்த மாதம் அமெரிக்காவிற்கு விஜயம் ஒன்றை மேற்கொள்ளவுள்ளார்.
அமெரிக்காவில் நடைபெறவுள்ள கலாச்சார நிகழ்வொன்றில் கலந்து கொள்வதற்காகவே அவர் எதிர்வரும் ஜூலை மாதத்தின் முதல் வாரத்தில் அமெரிக்காவிற்கு விஜயம் செய்யவுள்ளதாக தெரிவிக்கப்படுகின்றது.

வடக்கு முதல்வராக அவர் சத்திய பிரமானம் செய்து கொண்டதன் பின்னர் அவரது முதலாவது அமெரிக்க விஜயம் இதுவாகும்.

இவ்விஜயத்தின் போது வடக்கு முதலமைச்சர் அமெரிக்காவின் சில உயர் அதிகாரிகளை சந்தித்து பேச்சுவார்த்தை நடத்தவுள்ளதாகவும் தெரிவிக்கப்படுகின்றது.

இதேவேளை, அவுஸ்திரேலியாவின் தமிழ் சட்டத்தரணிகள் அமைப்பு ஒன்றும் தங்கள் நாட்டுக்கு விஜயம் செய்யுமாறு விக்னேஸ்வரனுக்கு அழைப்பு விடுத்துள்ளது.

எது எவ்வாறு இருப்பினும் வெளிநாடுகளில், உள்நாட்டு அரசியல் நிலவரங்கள் தொடர்பில் கருத்துக்களை பகிரும் போது நிதானமாக கருத்துக்களை வெளியிடுமாறு தமிழ்த் தேசியக் கூட்டமைப்பு விக்கினேஸ்வரனுக்கு அறிவுறுத்தல் வழங்கியுள்ளதாக தகவல்கள் குறிப்பிட்டுள்ளன.