எரிபொருள் விலை அதிகரிக்கப்படுமாயின் பஸ் கட்டணம் உயரும்

[oviya]

2015ம் ஆண்டில் பஸ் கட்டண திருத்தம் மேற்கொள்ளாமல் இருக்க தேசிய போக்குவரத்து ஆணைக்குழு தீர்மானித்த போதிலும் எரிபொருள் விலை உயருமாயின் பஸ் கட்டணத்தை அதிகரிக்க வேண்டிய சூழ்நிலை ஏற்படும் என தனியார் பஸ் உரிமையாளர்கள் சங்கம் தெரிவித்துள்ளது.

அகில இலங்கை பஸ் உரிமையாளர்கள் சங்க சம்மேளனத்தின் பொது செயலாளர் அஞ்சன பிரியஞ்சித் இவ்வாறு தெரிவித்துள்ளார் என சிங்கள ஊடகமொன்று செய்தி வெளியிட்டுள்ளது.

தனியார் பஸ் போக்குவரத்து சேவையின் முன்னேற்றத்திற்காக தமது சம்மேளனம் கடுமையான பிரயத்தனங்களை மேற்கொண்டு வருவதாகவும் அவர் மேலும் குறிப்பிட்டுள்ளார்.

இதேவேளை வீழ்ச்சி கண்டுள்ள பஸ் போக்குவரத்து சேவையை மீண்டும் முன்னேற்றுவதற்கான நடவடிக்கைகள் மேற்கொள்ளப்படும் எனவும்,

எரிபொருள் விலை அதிகரிக்கப்படும் பட்சத்தில் பஸ் கட்டணம் உயர்த்தப்படும் என தனியார் பஸ் உரிமையாளர்கள் சங்கத்தின் தலைவர் கெமுனு விஜேரத்ன தெரிவித்துள்ளார்.