இணைய சேறு பூசல்களுக்கு எதிராக ஐ.தே.க முறைப்பாடு!

[oviya]

இணையத்தில் சேறு பூசப்படுப்படுவதற்கு எதிராக ஐக்கிய தேசியக் கட்சி முறைப்பாடு செய்ய உள்ளது.
இணையத்தைப் பயன்படுத்தி சேறு பூசல்கள் மற்றும் போலிப் பிரச்சாரங்களை தடுக்க பொலிஸ் நிலையத்தில் முறைப்பாடு செய்ய தீர்மானித்துள்ளதாக அக்கட்சி அறிவித்துள்ளது.

எவ்வித அடிப்படையுமின்றி நபர்களின் பெயர்கள், அமைச்சர்கள், நாடாளுமன்ற உறுப்பினர்களின் தனிப்பட்ட வாழ்க்கை குறித்து திட்டமிட்ட வகையில் மேற்கொள்ளப்படும் போலிப் பிரச்சாரங்கள் தொடர்பில் இதன்போது முறைப்பாடு செய்யப்பட உள்ளது.

இவ்வாறு போலிப் பிரச்சாரங்களை மேற்கொள்ளும் இணைய தளங்கள், பேஸ்புக் பக்கங்கள் தொடர்பில் அடையாளம் காணப்பட்டுள்ளது.

இணையத்தின் ஊடாக அரசாங்கத்தை விமர்சனம் செய்வதில் எவ்வித பிரச்சினையும் கிடையாது என்ற போதிலும் போலிப் பிரச்சாரங்களில் ஈடுபடுவதற்கு அனுமதியளிக்க முடியாது என ஐக்கிய தேசியக் கட்சி அறிவித்துள்ளது.