சிங்கப்பூரில் உயர் பதவி: நாட்டை விட்டு வெளியேற தீர்மானிக்கும் கோத்தபாய

[oviya]

முன்னாள் பாதுகாப்பு செயலாளர் கோத்தபாய ராஜபக்சவிற்கு சிங்கப்பூர் அரசு பல்கலைக்கழகத்தில் இணைந்து சேவை செய்யுமாறு உத்தியோகபூர்வமான அழைப்பு விடுக்கப்பட்டுள்ளதாக தெரிவிக்கப்படுகின்றது.
சிங்கப்பூர் வெளிவிவகார அமைச்சர் கே.ஷண்முகத்தினால் இவ் அழைப்பு விடுக்கப்பட்டுளளதாக தகவல் வெளியாகியுள்ளது.

பயங்கரவாத தடைச்சட்டம் மற்றும் நகர்ப்புற வளர்ச்சி நடவடிக்கைகள் தொடர்பில் கோத்தபாய ராஜபக்சவிடம் காணப்பட்ட திறன்களே இவ் அழைப்பிற்கான காரணமாகும் என சிங்கள ஊடகமொன்று செய்தி வெளியிட்டுள்ளது.

தான் இந்த அழைப்பினை ஏற்றுக்கொண்டு அதற்கான விருப்பத்தை தெரிவித்துள்ள போதிலும்,

தனது வெளிநாட்டு கடவுச்சீட்டு முடக்கப்பட்டுள்ள காரணத்தினால் அதனை ஏற்றுக்கொள்ள முடியாத நிலை தோன்றியுள்ளதாக கோத்தபாய ராஜபக்ச குறிப்பிட்டுள்ளார் என குறித்த சிங்கள ஊடகம் சுட்டிக்காட்டியுள்ளது.