எனது குடும்பத்தினர் மீது போலிக் குற்றச்சாட்டுக்களை முன்வைக்க முனைகின்றனர்: மஹிந்த

[oviya]

தனது குடும்ப உறுப்பினர்களுக்கு எதிராக கொலை குற்றச்சாட்டுக்களை சுமத்தவும் தற்போதைய அரசாங்கம் நடவடிக்கை எடுத்து வருவதாக முன்னாள் ஜனாதிபதி மகிந்த ராஜபக்ச தெரிவித்துள்ளார்.
தம்புத்தேகம பிரதேசத்தில் இடம்பெற்ற மக்கள் சந்திப்பில் கலந்துகொண்டு கருத்து தெரிவிக்கும் போதே அவர் இவ்வாறு குறிப்பிட்டுள்ளார்.

உண்மைக்கு புறம்பான குற்றச்சாட்டுக்களை சுமத்தி தமது அரசியல் பயணத்தையும் தடுக்கவும் குடும்பத்தினருக்கு துன்பங்களை கொடுப்பதுமே தற்போதைய அரசாங்கத்தின் நோக்கம் எனவும் முன்னாள் ஜனாதிபதி குறிப்பிட்டுள்ளார்.

இதேவேளை முன்னாள் ஜனாதிபதியின் புதல்வர் யோஷித்த ராஜபக்சவுக்கு பிரபல றகர் விளையாட்டு வீரர் வசீம் தாஜூடீனின் கொலையுடன் தொடர்புள்ளதாக குற்றம் சுமத்தப்படுகின்றமை குறிப்பிடத்தக்கது.