இளைஞன் தூக்கிட்டு தற்கொலை - கண்டியில் மூன்று இந்திய பிரஜைகள் கைது

[oviya]

சிலாபம், மாஹதுவத்தை பிரதேசத்தில் இளைஞர் ஒருவர் தூக்கிட்டு தற்கொலை செய்து கொண்டுள்ளார்.
குறித்த இளைஞன் மரமொன்றில் தூக்கிட்டுக் கொண்ட நிலையில் சடலமாக மீட்கப்பட்டுள்ளதாக பொலிஸார் தெரிவித்துள்ளனர்.

உயிரிழந்தவர் 22 வயதுடைய மாஹாதுவத்தை ஜயபிம பிரதேசத்தை சேர்ந்தவர் என தெரியவந்துள்ளது.

இளைஞனின் தற்கொலைக்கான காரணம் இதுவரை தெரியவரவில்லை.

இது தொடர்பான மேலதிக விசாரணையை சிலாபம் பொலிஸார் மேற்கொண்டு வருகின்றனர்.

கண்டியில் மூன்று இந்திய பிரஜைகள் கைது

நாட்டின் குடிவரவு மற்றும் குடியகல்வு சட்டத்திட்டங்களை மீறி தங்கியிருந்த மூன்று இந்திய பிரஜைகளை கண்டி பொலிஸார் கைது செய்துள்ளனர்.

கண்டி கட்டுகலே பகுதியில் இவர்கள் கைது செய்யப்பட்டுள்ளனர். கைது செய்யப்பட்டவர்கள் 24, 38 மற்றும் 52 வயதானவர்கள் என கண்டி பொலிஸார் தெரிவித்தனர்.

கண்டி மாவட்ட புலனாய்வு பிரிவின் அதிகாரிகளுக்கு கிடைத்த தகவல் ஒன்றை அடுத்தே இவர்கள் கைது செய்யப்பட்டுள்ளனர். சந்தேக நபர்கள் கண்டி நீதவான் முன்னிலையில் இன்று ஆஜர்ப்படுத்தப்பட உள்ளனர்.