இன, மத பேதமின்றி புதுவருடத்தை கொண்டாட சந்தர்ப்பம் கிடைத்துள்ளது!- பிரதமர்

[oviya]

அழுத்தங்களும் அடக்குமுறை உணர்வுகளும் இல்லாது பண்டிகையை கொண்டாடும் சந்தர்ப்பம் பிறந்துள்ளதாக பிரதமர் ரணில் விக்ரமசிங்க தெரிவித்துள்ளார்.
தமிழ், சிங்கள புத்தாண்டை முன்னிட்டு வெளியிட்டுள்ள வாழ்த்து செய்தியில் பிரதமர் இதனை கூறியுள்ளார்.

தமிழ், சிங்கள புத்தாண்டு இனங்களுக்கு இடையில் ஐக்கியத்தை உறுதிப்படுத்தி சமாதானத்தையும், மகிழ்ச்சியையும், சௌபாக்கியத்தையும் ஏற்படுத்த வேண்டும் என பிரார்த்திப்பதாக பிரதமர் கூறியுள்ளார்.

இன, மத பேதமின்றி ஒரே இலங்கை மக்களாக புத்தாண்டை கொண்டாட சந்தர்ப்பம் கிடைத்துள்ளது.

தமிழ், சிங்கள புத்தாண்டு என்பது இலங்கை மக்களுக்கு மிகவும் முக்கியமான கலாசார பண்டிகையாகும் எனவும் ரணில் விக்ரமசிங்க தனது வாழ்த்துச் செய்தியில் கூறியுள்ளார்.