ஜெயலலிதா மக்களின் முதல்வர்....ஸ்டாலின் மனிதர்களின் முதல்வர்: போட்டி ஆரம்பம்

[oviya]

ஜெயலலிதாவை அதிமுகவினர் 'மக்களின் முதல்வர்' என்று அடைமொழி வைத்து அழைத்துவரும் நிலையில், திமுகவினர் ஸ்டாலினுக்கு "மனிதர்களின் முதல்வர்" என பட்டம் சூட்டியுள்ளனர்.
தமிழக முன்னாள் முதல்வர் ஜெயலலிதா, வருமானத்துக்கு அதிகமாக சொத்து குவித்த வழக்கில் 4 ஆண்டுகால சிறைத் தண்டனை பெற்றதால் அவர் தனது முதல்வர் பதவியை இழந்தார்.

இதையடுத்து அதிமுகவினரும் அவரது ஆதரவாளர்களும் ஜெயலலிதாவை 'மக்களின் முதல்வர்' என்ற பெயரில் அழைக்க தொடங்கினர்.

தமிழகத்தின் முதல்வராக ஓ.பன்னீர்செல்வம் பதவி ஏற்ற பின்னரும் கூட அதிமுகவினர் 'மக்களின் முதல்வர்' ஜெயலலிதாவுக்கே முன்னுரிமை அளித்து வருவது குறிப்பிடத்தக்கது.

இந்நிலையில், தற்போது திமுகவின் பொருளாளர் மு.க.ஸ்டாலினுக்கு, தூத்துக்குடி திமுகவினர் "மனிதர்களின் முதல்வர்" என புதுப் பட்டம் சூட்டியுள்ளனர்.