இலங்கைக்கு பூரண ஒத்துழைப்பு வழங்க சுவீடன் தீர்மானம்

[oviya]

இலங்கைக்கும், சுவீடனுக்கும் இடையில் பொருளாதார ஒத்துழைப்புக்களை மேம்படுத்துவதற்கு தீர்மானிக்கப்பட்டுள்ளது.
சுவீடன் பிரதமர் ஸ்டீவன் லொபென், ஜனாதிபதி மைத்திரிபால சிறிசேன ஆகியோருக்கிடையில் நேற்று சந்திப்பொன்று இடம்பெற்றுள்ளது.

ஜனாதிபதி உத்தியோகபூர்வ விஜயம் மேற்கொண்டு சீனாவுக்கு சென்றுள்ள நிலையிலேயே இச்சந்திப்பு இடம்பெற்றுள்ளது என ஜனாதிபதி ஊடக பிரிவு தெரிவித்துள்ளது.

இந்த சந்திப்பில் இலங்கை ஜனாதிபதியின் வெற்றியை பாராட்டிய சுவீடன் பிரதமர், இலங்கையின் தற்போதைய அரசாங்கம் மேற்கொண்டுள்ள அபிவிருத்தி திட்டங்களையும் வரவேற்றுள்ளதுடன், எதிர்காலத்தில் தமது நாட்டு சுற்றுலா பயணிகளை அதிகளவில் இலங்கைக்கு அனுப்புவதற்கான வேலைத்திட்டங்களையும் மேற்கொள்வதாக தெரிவித்துள்ளார்.

மேலும் இலங்கையின் வளர்ச்சிக்கு சுவீடன் அரசாங்கம் எப்பொழுதும் உறுதுணையாக இருக்கும் என தெரிவித்ததோடு இருநாட்டு பொருளாதார ஒத்துழைப்புக்களையும் மேலும் வலுப்படுத்த வேண்டும் என கேட்டு கொண்டுள்ளார்.