ஜனாதிபதிக்கும் ஐ.தே.கட்சிக்கும் இடையில் விரிசலை ஏற்படுத்த முயற்சி: கரு ஜயசூரிய

[oviya]

நல்லாட்சியை ஏற்படுத்துவதற்காக உருவாக்கப்பட்ட அரசாங்கத்தை ஸ்திரமற்ற நிலைமைக்குள் கொண்டு செல்லும் துஷ்டத்தனமான நடவடிக்கை ஒன்று செயற்படுத்தப்பட்டு வருவதாக பொது நிர்வாகம் மற்றும் உள்நாட்டு அலுவல்கள் அமைச்சர் கரு ஜயசூரிய தெரிவித்துள்ளார்.
ஐக்கிய தேசியக் கட்சிக்கும் ஜனாதிபதி மைத்திரிபால சிறிசேனவுக்கும் இடையில் விரிசலை ஏற்படுத்தும் நடவடிக்கைகளில் இவர்கள் ஈடுபட்டு வருகின்றனர்.

கடந்த காலத்தில் பொருளாதார ரீதியாக வலுவடைந்த வியாபாரிகள் சமூகம் இதற்கு தேவையான உதவிகளை வழங்கி வருகிறது எனவும் அமைச்சர் கரு ஜயசூரிய தெரிவித்துள்ளார்.

பல்வேறு கோணங்களில், பல முன்னணிகள் ஊடாக இந்த நடவடிக்கை செயற்படுத்தப்பட்டு வருவதாக தகவல்கள் கிடைத்துள்ளன. எவ்வாறாயினும் விரைவில் அதன் சுயரூபத்தை வெளியிடுவோம்.

அரசாங்கத்தின் தேன் நிலவு முடிந்து விட்டது எனக்கூறி, இந்த அணிகள் எத்தனை பொய்களை சமூகமயப்படுத்தினாலும் நாட்டில் வாழும் பெரும்பான்மையான மக்கள் தற்போது நாடு செல்லும் திசை சம்பந்தமாக திருப்தியுடன் இருக்கின்றனர் எனவும் கரு ஜயசூரிய கூறியுள்ளார்.