பசில் ராஜபக்ச ஏன் நாடாளுமன்றிற்கு சமூகமளிக்கவில்லை?– ஜே.வி.பி கேள்வி

[oviya]

முன்னாள் பொருளாதார அமைச்சர் பசில் ராஜபக்ச ஏன் நாடாளுமன்றிற்கு சமூகமளிக்கவில்லை என ஜே.வி.பி கட்சி கேள்வி எழுப்பியுள்ளது.
சுகயீனம் காரணமாகவா அல்லது வேறு உயர்கல்வி தொடர்வதன் காரணமாகவே பசில் ராஜபக்சவினால் நாடாளுமன்ற அமர்வுகளில் பங்கேற்க முடியவில்லை என ஜே.வி.பி.யின் தலைவர் அனுரகுமார திஸாநாயக்க கேள்வி எழுப்பியுள்ளார்.

நாடாளுமன்றிற்கு சமூகமளிக்க முடியாது என கடிதங்களை அனுப்பி வைக்க முடியாது.

பசில் ராஜபக்ச சுகயீனம் காரணமாகவே நாடாளுமன்றிற்கு வர முடியாமல் இருக்கின்றார் என்பதனை நாம் அறிந்துகொள்ள விரும்புகின்றோம்.

என்ன காரணத்திற்காக விடுமுறை பெற்றுக்கொள்கின்றார் என்பதனை சபாநாயகர் அறிந்திருக்க வேண்டும்.

அது பற்றி நாங்களும் தெரிந்து கொள்ள விரும்புகின்றோம் என அனுரகுமார திஸாநாயக்க அண்மையில் நாடாளுமன்றில் தெரிவித்துள்ளார்.

பசில் ராஜபக்சவிற்கு மூன்று மாதகால விடுமுறை ஏற்கனவே நாடாளுமன்றினால் வழங்கப்பட்டுள்ளமை குறிப்பிடத்தக்கது.