மகிந்த சிந்தனையை நடைமுறைப்படுத்த ஒன்றிணைவோம்: தினேஷ் குணவர்தன

[oviya]

ஐக்கிய மக்கள் சுதந்திர கூட்டமைப்பை வெற்றி பாதையில் கொண்டு செல்ல பாராளுமன்றத்தில் மாத்திரமல்லாது மக்களோடு மக்களாக இணைந்து ஜனநாயக முறையில் செயலாற்றுவோம் என முன்னாள் அமைச்சர் தினேஷ் குணவர்தன தெரிவித்துள்ளார்.
கொழும்பில் இன்று இடம்பெற்ற ஊடகவியலாளர் சந்திப்பின் போதே முன்னாள் அமைச்சர் இவ்வாறு தெரிவித்துள்ளார்.

நடைபெற்ற ஜனாதிபதி தேர்தலில் ஐ.ம.சு.கூட்டமைப்பிற்கு வாக்களித்த மக்கள் ஐக்கிய தேசிய கட்சியுடன் இணைந்து பணியாற்றும் நோக்கில் அல்ல வாக்களித்தனர்.

முன்னாள் ஜனாதிபதியினால் அறிமுகப்படுத்தப்பட்ட மகிந்த சிந்தனை வேலைத்திட்டத்தை நடைமுறைப்படுத்தும் நோக்கிலேயே வாக்களித்தனர் என முன்னாள் அமைச்சர் இதன் போது சுட்டிக்காட்டியதோடு, ஐ.ம.சு.கூ ஆதரவாளர்களை மீண்டும் பலப்படுத்தி அவர்களின் நம்பிக்கையை வென்றெடுக்க நாம் தொடர்ந்தும் பணியாற்றுவோம் என முன்னாள் அமைச்சர் மேலும் தெரிவித்தார்.