வடக்கு கிழக்கு மக்களின் தொழில் பிரச்சினைகளுக்கு தீர்வு வழங்கப்படவில்லை: அரியநேத்திரன்

by oviya Fri Feb 06, 2015 1:12 pm

வடக்கு கிழக்கு மக்களின் வேலையில்லா பிரச்சினைகளுக்கு தீர்வு வழங்கப்படவில்லை என தமிழ்த் தேசியக் கூட்டமைப்பின் நாடாளுமன்ற உறுப்பினர் ப.அரியநேத்திரன் தெரிவித்துள்ளார்.
அரசாங்கத்தின் நூறுநாள் திட்டத்தில் இன்னமும் 73 நாட்களே எஞ்சியுள்ளன. இந்த 73 நாட்களில் வரவு செலவுத் திட்டத்தில் அளிக்கப்பட்டுள்ள வாக்குறுதிகளை நிறைவேற்ற முடியுமா என்பது சந்தேகமே.

நிதி அமைச்சர் ரவி கருணாநாயக்கவினால் நாடாளுமன்றில் சமர்ப்பிக்கப்பட்ட இடைக்கால வரவு செலவுத் திட்டத்தில் பல்வேறு வாக்குறுதிகள் அளிக்கப்பட்டுள்ளன.

நாடாளுமன்ற உறுப்பினர்களுக்கு பன்முகப்படுத்தப்பட்ட நிதி ஒதுக்கீட்டின் கீழ் நிதி வழங்குவதாக அரசாங்கம் அறிவித்துள்ளது.

நூறு நாள் திட்டத்தின் கீழ் நிதியை வழங்க முடியுமா என்பது சந்தேகமாகவே காணப்படுகின்றது என அரியநேத்திரன் நாடாளுமன்றில் வரவு செலவுத் திட்ட விவாதத்தில் பங்கேற்று நேற்று இதனைத் தெரிவித்துள்ளார்.